A sos iscolanos e iscolanas de Thiniscola; chi s’ormina de Gramsci siat pro vois s’esempiu pius mannu
Iscolanu/a incomintzas s’avventura
Che istella naschinne t’illumìnas
Renne grazia manna a sa natura
De dogni passu e locu uve camìnas
Giustizia, traballu e libertade in mente
Difenne chin onore e chin passentzia
Comente hat fattu Gramsci dolente
Po impignu, cultura e intelligentzia
Has’ accatare rosas e ispinas
Ma mai de imparare hapas pagura
De su bene e sa pache sas dottrinas
Ama, pensa, cumprenne e tene cura
Chi in s’istoria de s’umanidade
Brillat comente istella pius luchente
Mastru e babbu, maridu e frade
Ninu, esempiu sardu e eccelsa mente
Pro sa die ‘e sa Sardigna bo s’ammento
Chin notas e colores de affettu
Su tempus chi ancora nois passamus
A istudiare chin grande intellettu
Agurios mannos a sos alunnos meos
pro bo che biere in s’arta cultura
de musica, matematica, arte e natura
filosofia … e anticu cantu
grazias pro totu vois
isperanzia, onore e vantu
Silvestra Pittalis
